Poslovne vijesti - Makedonija

Во Македонија на 100 жители има 108 мобилни телефони

Најголем број мобилни телефони во регионот имаат Црногорците, каде што на 100 жители има 178 претплатници, а по нив следат Хрватите со 113 претплатници на 100 жители, покажуваат податоците од глобалниот индекс на конкурентност на Светскиот економски форум.

На овој начин Црногорците се најдоа во друштво со Русите, Финците и Австријците, кои најмногу користат мобилни.

Македонија и Албанија се наоѓаат на трето место со по 108 претплатници на 100 жители, додека најмал број корисници на мобилни телефони е забележан во Србија и БиХ, каде што има значителен број на граѓани кои немаат мобилен телефон. Србија има 93 корисници на 100 жители, а БиХ – 89. Ако се погледне пошироко на Балканот, мобилните телефони најмногу ги користат Бугарите, каде што има 146 претплатници на 100 жители.

Најголем број на мобилни телефони во светот се користат во Хонгконг, каде што има 228 претплатници на 100 жители.